अपत्य नको म्हणून नंदुरबार शहरातील विवाहीत महिलेने फिनाइल औषध प्राशन करून आपल्याच गर्भातील बाळांना मारण्याचा प्रयत्न केल्याची घटना शहरातील गुरुकुलनगर येथे घडली. याबाबत पतीने पत्नीच्या विरोधात पोलिस ठाण्यात फिर्याद दाखल केली आहेकपिल भरत पवार (रा. भादवड, ता. नवापूर) हे शहरातील गुरुकुल नगरात वास्तव्यास आहेत. त्यांची पत्नी गर्भवती असताना, गर्भपात न करण्याचे सांगूनदेखील त्यांच्या पत्नीने राहत्या घरातील बाथरूममधील फिनाइल प्राशन करून गर्भातील दोन जुळ्या बाळांना मारण्याचा प्रयत्न केला. या प्रकरणी कपिल भरत पवार यांनी शहर पोलिस ठाण्यात पत्नीविरुद्ध फिर्याद दाखल केल्याने गुन्ह्याची नोंद केली आहे. बाळांसह मातेची तब्येत चांगली असल्याचे तपासाधिकारी पोलिस उपनिरीक्षक योगिता पाटील यांनी सांगितले.