गोवंडी येथे शिवाजी नगर परिसरात दुमजली इमारतीचा वरचा भाग कोसळून ८ जण जखमी झाले आहेत. त्यांना राजावाडी रुग्णालयात दाखल करण्यात आले आहे.
गोवंडी परिसरात मध्यरात्री ही घटना घडली. या दुर्घटनेत जखमी झालेल्या ८ जणांवर राजावाडी रुग्णालयात उपचार सुरु आहेत. जखमी झालेल्यापैकी झुबेदा बेगम सय्यद(७०), आयेशा बानू सय्यद(२१), नूरजहाँ बानू सय्यद (४५) या तिघींच्या प्रकृतीत सुधारणा आहे, तर इतर पाचही जणांवर अद्याप उपचार सुरू असल्याची माहिती राजावाडी रुग्णालयातील डॉक्टरांनी दिली.