शिवाजी विद्यापीठातील ३० हून अधिक विभागातील पदव्युत्तर अभ्यासक्रमाच्या पहिल्या वर्षाच्या प्रवेश निश्चितीला गुरुवारपासून सुरुवात झाली. प्रवेश प्रक्रियेची प्रक्रिया ऑनलाइनचा अवलंब केला आहे. प्रवेश निश्चतीसाठी पूरक कागदपत्रे जमा करण्यासाठी विद्यार्थ्यांनी गर्दी केली होती.
प्रवेशाच्या पहिल्या फेरीसाठीची निवड यादी बुधवारी प्रसिद्ध करण्यात आली होती. तत्पूर्वी २० जूनपर्यंत विद्यार्थ्यांच्या तक्रारी ऐकून घेतल्या होत्या. गुरुवारी पहिल्या फेरीतील प्रवेश प्रक्रियेला व निश्चितीला सुरुवात झाली. पहिल्याच दिवशी अनेक विद्यार्थ्यांनी प्रथम वर्षासाठीचे शुल्क व इतर फी भरुन प्रवेश निश्चित केला. रसायनशास्त्र, भौतिकशास्त्र, जीवशास्त्र, प्राणीशास्त्र, जैवतंत्रज्ञान, वनस्पतीशास्त्र अशा विविध अभ्यासक्रमाच्या प्रवेशाला सुरुवात झाली.