वसईतील मालजीपाडा गावातील तलावात एका अनोळखी महिलेचा शीर नसलेला आणि नग्नावस्थेतील मृतदेह सापडल्यानं खळबळ उडाली आहे. मृत महिलेचं वय २० वर्षे असावं, असा अंदाज पोलिसांनी व्यक्त केला आहे. याआधी २२ मार्च रोजी मुंबई-अहमदाबाद महामार्गालगत एका महिलेचा हाडांचा सापळा आढळला होता.
वसईतील माजीलपाडा गावातील तलावात महिलेचा शीर नसलेला नग्नावस्थेतील मृतदेह सापडला. रस्त्यावरून जाणाऱ्या एकाला तलावात मृतदेह दिसला आणि त्यानं याबाबत वाळीव पोलिसांना माहिती दिली. सिमेंटची गोणी बांधून महिलेचा मृतदेह तलावात टाकण्यात आला होता. मृत महिलेचं वय अंदाजे २० वर्षे आहे. काही तासांपूर्वीच मृतदेह तलावात फेकला असावा. गायब असलेलं शीर शोधण्यात येत आहे, अशी माहिती पोलिसांनी दिली.
गेल्या महिन्यातच वसईमध्ये मुंबई-अहमदाबाद महामार्गालगत निर्जन ठिकाणी एका गोणीत महिलेचा मृतदेह सापडला होता. या हत्येचा छडा अद्याप लागलेला नसतानाच आणखी एका अनोळखी महिलेचा मृतदेह सापडला आहे. या हत्यासत्रांमुळं परिसरात खळबळ माजली असून, त्यांचा छडा लावण्याचे आव्हान पोलिसांसमोर उभे राहिले आहे.