पश्चिम रेल्वेच्या माहीम स्थानकाजवळ मालगाडीच्या इंजिनात तांत्रिक बिघाड झाल्याने पश्चिम रेल्वेच्या वाहतुकीवर परिणाम झाला आहे. तांत्रिक बिघाड दुरुस्त करण्यात आला असला तरी चर्चगेटच्या दिशेने जाणारी जलद मार्गावरील वाहतूक १५ ते २० मिनिटे उशिराने सुरू आहे. आज सकाळी ७ वाजून १० मिनिटांच्या सुमाराला माहीम स्थानकाजवळ मालगाडीच्या इंजिनात तांत्रिक बिघाड झाल्याने मालगाडी बंद पडली. याचा थेट परिणाम पश्चिम रेल्वेच्या जलद मार्गावरील वाहतुकीवर झाला. हा तांत्रिक बिघाड तातडीने दुरुस्त करण्यात आला असून जलद मार्गावरील वाहतूक सुरू झाली आहे. मात्र जलद मार्गावरील वाहतूक १५ ते २० मिनिटे उशिराने धावत आहेत.
नंतरच्या ट्विटमध्ये पश्चिम रेल्वेने मालगाडीच्या इंजिनात झालेल्या तात्रिक बिघाडामुळे पश्चिम रेल्वेच्या हार्बर मार्गावरील वाहतूक १५ चे २० मिनिटे उशिराने धावत असल्याची माहिती दिली.