समुद्रात पोहण्यास गेलेल्या युवकाचा शार्कने केलेल्या हल्ल्यात मृत्यू झाला. अठरा वर्षीय सिल्वा हा युवक समुद्रात पोहण्यासाठी गेला होता. त्यावेळी शार्कने या युवकाच्या गुप्तांगाचा चावा घेतला. हा चावा इतका भयंकर होता की त्याचे गुप्तांग शरारीपासून वेगळे झाले. या हल्ल्यानंतर युवकाचा मृत्यू झाला.
किनाऱ्यावर असलेल्या लोकांनी हा प्रकार पाहिल्यानंतर समुद्रात धाव घेत सिल्वाला समुद्रातून बाहेर काढले. शार्कच्या हल्ल्यात गंभीर जखमी झालेल्या सिल्वाला रुग्णालयात दाखल केले. मात्र, शस्त्रक्रिया करुनदेखील सिल्वाचे प्राण वाचवण्यास डॉक्टरांना अपयश आले.
अधिकाऱ्यांनी दिलेल्या माहितीनुसार, सिल्वा आपल्या मित्रांसोबत पोहण्यासाठी खोल समुद्रात गेला. त्याठिकाणी शार्कच्या हल्ल्याची सूचना होती. लाइफगार्ड्सने त्यांना माघारी फिरण्यास सांगितल्यानंतर हे सर्वजण पुन्हा किनाऱ्याच्या दिशेने जाऊ लागले. त्यावेळेस शार्कने सिल्वावर हल्ला केला. सिल्वाला रुग्णालयात नेताना ह्रदयविकाराचा झटका आला असल्याची माहिती रुग्णवाहिकेत उपस्थित असणाऱ्या कर्मचाऱ्याने दिली. त्यातच मोठ्या प्रमाणावर रक्त वाहून गेले होते. मात्र, उपचारादरम्यान त्याचा मृत्यू झाला.