जळगाव प्लास्टिक उत्पादकांसह विक्रेत्यांवर कारवाईची मोहीम मनपाच्या आरोग्य विभागाने सुरू केली आहे. मंगळवारी (दि. १५) सकाळी एमआयडीसी परिसरातील ४ प्लास्टिक उत्पादकांसह शहरातील २७ विक्रेत्यांवर दंडात्मक कारवाई करून १ लाख ६०० रुपयाचा दंड वसूल केला.
राज्य सरकारने प्लास्टिकवर बंदीचा निर्णय घेतला आहे. परंतु, जळगाव शहरात सर्रासपणे उत्पादन आणि विक्री सुरू आहे. दरम्यान, सकाळी महापालिकेच्या आरोग्य विभागाचे पथक एमआयडीसीतील प्लास्टिक उत्पादकांकडे जावून तपासणी केली. त्यानुसार दंडात्मक कारवाई करण्यात आली. रुशी प्लास्ट यांना २० हजार रुपये दंड तर तारा प्लास्ट, सद्गुरू इंड्रस्टीज, आर. के. इंड्रस्टीज यांच्याकडून प्रत्येकी २५ हजार रुपये दंड वसूल करण्यात आला. तसेच शहरातील न्यु बालाजी प्रोव्हिजन, सिद्धेश किराणा, जितेंद्र तायडे, जितेन कोळी, मुस्तफा भाई, मुन्ना गवळी, युसूफ मोहम्मद, इरफान शेख, कल्पनाबाई वानखेडे, रसुल खान, मोहसीन खान, सुनंदा मोरे, सुनंदा झाल्टे, यशश्री आईस्क्रीम पार्लर, बच्ची भाई कॅफे, महालक्ष्मी रेस्टॉरंट, क्रंच्ची आईस्क्रीम, कॅफे टू रिंस, श्री डेअरी, समर्थ डेअरी, चंद्रभान पाटील, हॉटेल चिनार गार्डन, कैलास पाणीपुरी यांच्याकडून प्रत्येकी १०० आणि २०० रुपये दंडात्मक कारवाई करून ४ प्लास्टिक उत्पादकांसह २३ किरकोळ विक्रेते एकूण २७ जणांकडून १ लाख ६०० रुपयाचा दंड वसूल केला. मनपा आरोग्य विभागाच्या कारवाई पथकात आरोग्य अधिकारी उदय पाटील, आरोग्य निरीक्षक जितेंद्र किरंगे, के. के. बडगुजर, अशोक नेमाडे, संजय अत्तरदे, शरद बडगुजर, आर. डी. पाटील, दिनेश गोयर, रमेश कांबळे, प्रवीण पवार, कैलास जगताप, भगीरथ सरसिया, दिलीप कोळी यांचा समावेश होता.