बिग बॉसचा स्पर्धक अभिनेता राजेश शृंगारपुरे बेघर झाल्यापासून अनेक ‘ट्विट्स आणि टर्न्स’ पाहायला मिळाले. बिग बॉसच्या घरातील सदस्यांना तो बाहेर गेला असं वाटलं, मात्र बिग बॉसने त्याला शिक्षा म्हणून एका बंद खोलीत वनवासात पाठवलं होतं. राजेश गेल्या आठवडाभरापासून एका बंद खोलीत एकटा राहत होता, घरातील सदस्यांना टेलिव्हिजनवर पाहत होता, ते काय करतात? कोणाचे काय गेम प्लानिंग सुरू आहेत, या गोष्टींकडे त्याचं लक्ष होतं. अखेल कालच्या भागात बिग बॉसने त्याला घरात पुन्हा प्रवेश करायला सांगितला.
राजेशने घरात एन्ट्री करताच रेशमने त्याला घट्ट मिठी मारत आपल्या भावनांना वाट मोकळी करून दिली. राजेश देखील रेशमला पाहून भावूक झाल्याचं पाहायला मिळालं. राजेशच्या परत येण्यामुळं रेशम. जुई, भुषण, सुशांत, आस्ताद हे स्पर्धक खुश दिसून आले, तर मेघा, सई, ऋतुजा, पुष्कर , आऊ यांना राजेशची घरवापसी रूजलेली दिसली नाही.
पहिल्या दिवसापासून राजेश हा ‘लंबी रेस का घोडा’ असेल असे म्हटलं जात होतं. पण तिसऱ्या आढवड्यात तो बाहेर पडल्यामुळं अनेकांना धक्का बसला होता. राजेशचं परत येणं हे त्या चाहत्यांसाठी हा सुखद धक्का ठरला असून राजेश आता काय गेम खेळणार हे पाहणं उत्सुकतेचं ठरणार आहे.