इंडोनेशियामधील जावा शहराच्या पूर्वेकडील सुरबाया येथील तीन चर्चसमोर आत्मघाती हल्ल्याचे वृत्त आहे. या आत्मघाती हल्ल्यात सहा जण ठार झाले आहेत. तर १३ जण जखमी झाले आहेत. घटनेनंतर तेथे मोठ्या संख्येने पोलीस तैनात करण्यात आले आहेत. या आत्मघाती हल्ल्याची जबाबदारी कोणत्याही दहशतवादी संघटनेनं स्वीकारली नाही.
पोलिसांच्या माहितीनुसार, हे सर्व स्फोट अवघ्या दहा मिनिटांमध्ये घडवून आणले आहेत. पहिला स्फोट सकाळी साडेसात वाजता झाला. सांता मारिया कॅथलिक चर्चवर झालेल्या हल्ल्याची ही माहिती आहे. जावा पूर्वचे पोलीस प्रवक्ता फ्रान्स बरुंग मनगेरा यांनी सांगितलं की, तीन चर्चवर हल्ले झाले आहेत.
विशेष म्हणजे फ्रान्सची राजधानी पॅरिसमध्ये शनिवारी एका व्यक्तीनं अनेकांवर चाकूहल्ला केला. त्यात एका व्यक्तीचा मृत्यू झाला होता. तर अनेक जखमी झाले होते. अधिकाऱ्यांच्या माहितीनुसार, हल्लेखोर पोलिसांच्या कारवाईत मारला गेला आहे. हल्ल्यानंतर काही वेळानं आयएस या दहशतवादी संघटनेनं जबाबदारी स्वीकारली होती.