बिग बॉस हा कार्यक्रम सुरु झाल्यापासून बराच चर्चेत आहे. पहिल्या आठवड्यात आरती सोळंकी बेघर झाल्यानंतर दुसऱ्या आठवड्यात विनीत भोंडेला बिग बॉसच्या घरातून बाहेर पडावं लागलं आहे.
अनिल थत्ते, रेशम टिपणीस, पुष्कर जोग, जुई गडकरी, स्मिता गोंदकर,विनीत भोंडे आदींचे या आठवड्यात नॉमिनेशन झाले होते. बिग बॉसच्या घरात जास्तीत जास्त टिकायचं असेल तर सयंम आणि एकमेकांना समजून घेण्याची वृत्ती अत्यंत महत्वाची असते. विनीतचा बेशिस्तपणा असो किंवा त्यानं केलेली काही वक्तव्यं; अन् या आठवड्यात त्याला प्रेक्षकांची मतं कमी मिळाली , त्यामुळं त्याला बिग बॉसच्या घराला राम-राम ठोकावा लागला.
असं असलं तरी, विनीत बाहेर पडल्यानंतर अनेकजण भावुक झाल्याचं पाहायला मिळालं. ‘बिग बॉसच्या घरात अनेक गोष्टी शिकायला मिळाल्या’ अशी कबुली विनीतनं महेश मांजरेकर यांच्याशी बोलताना दिली.