रिझर्व्ह बँकेच्या डेप्युटी गव्हर्नरपदासाठी नऊ जणांच्या मुलाखती १० मे रोजी होणार आहेत. बँकेचे डेप्युटी गव्हर्नर एस. एस. मुंद्रा निवृत्त होत असल्याने त्यांच्या जागी ही नियुक्ती केली जाणार आहे.
कॅबिनेट सचिवांच्या अध्यक्षतेखालील निवड समितीने ४० अर्जांची छाननी करून ही नावे निश्चित केली आहेत. त्यात आयडीबीआय बँकेचे व्यवस्थापकीय संचालक एम. के. जैन, स्टेट बँकेचे व्यवस्थापकीय संचालक बी. श्रीराम आणि पी. के. गुप्ता यांच्यासह खासगी बँकांतील काही वरिष्ठ अधिकाऱ्यांचा आणि काही सनदी अधिकाऱ्यांचाही समावेश आहे. रिझर्व्ह बँक कायद्यानुसार चार डेप्युटी गव्हर्नर असणे आवश्यक आहे. त्यात बँकेच्या अधिकाऱ्यांतून पदोन्नतीने आलेले दोन, एक व्यावसायिक बँकर आणि एका अर्थजज्ज्ज्चा समावेश असावा लागतो. रिझर्व्ह बँकेच्या डेप्युटी गव्हर्नरला मासिक २.२५ लाख रुपये वेतन व इतर भत्ते मिळतात.