भावसिंगपुरा परिसरातील विठ्ठल रुखमाईचे मंदिर फोडून चोरट्यांनी २६ हजाराचा ऐवज लंपास केला. मंगळवारी दिवसाढवळ्या हा प्रकार घडला. याप्रकरणी मंदिराच्या पुजाऱ्याने दिलेल्या तक्रारीवरून छावणी पोलिस ठाण्यात अज्ञात आरोपीविरुद्ध चोरीचा गुन्हा दाखल केला आहे.
भावसिंगपुरा भागात विठ्ठल रुखमाईचे मंदिर आहे. सतीश गणेशराव लोखंडे (वय २८, रा. भावसिंगपुरा) हे या मंदिराचे पुजारी आहेत. लोखंडे हे मंगळवारी सकाळी कामानिमीत्त बाहेर गेले होते. सायंकाळी सात वाजता ते मंदिरात परतले. या दरम्यान चोरट्यांनी त्यांच्या मंदिराचे कुलूप तोडून आतमध्ये प्रवेश केला. मंदिरातील विठ्ठल रुखमाईच्या डोक्यावरील दहा हजारांचा चांदीचा मुकुट व सोन्याची पोत व पँडल असा २६ हजारांचा ऐवज चोरट्यांनी चोरून नेला. याप्रकरणी लोखंडे यांच्या तक्रारीवरून पोलिस ठाण्यात गुन्हा दाखल करण्यात आला असून सहायक फौजदार राजेंद्र खंडागळे तपास करीत आहेत.