पंतप्रधान नरेंद्र मोदी यांना गुजरातच्या खुशबू दावडा या २५ वर्षीय तरुणीने हटके गिफ्ट दिलंय. खुशबूने मोदींची तब्बल ३५० वजनी प्रतिमा त्यांना भेट म्हणून दिली आहे. तिने दिलेल्या या गिफ्टचं वैशिष्ट्य म्हणजे ते मणी आणि धाग्यांपासून तयार करण्यात आलं आहे. मोदींची प्रतिमा साकारण्यासाठी तब्बल १० किमी लांबीचा धागा आणि ५ लाखांहून अधिक मणी लागले, तर ते पूर्ण करण्यासाठी खुशबूने ८५० तास मेहनत घेतली आहे.
गुजरातच्या मुख्यमंत्री विजय रुपानी आणि केंद्रीय मंत्री मोहन कुंदरिया यांच्या उपस्थितीत खुशबूने मोदींना हे खास गिफ्ट दिलं.
‘मोदींना हे गिफ्ट मी स्वत: देऊ शकले याचा मला अभिमान आहे. हे तयार करण्यासाठी मी ९५० सुयांचा वापर केलाय. याशिवाय, या आर्टवर्कसाठी लिम्का बुकनंही प्रशस्तीपत्रक दिलंय. विशेष म्हणजे हे तयार करताना गोंदचा अजिबात वापर करण्यात आलेला नाही’, असं खुशबूने सांगितलं.