साधारणत: कुलुप २ ते ६-७ इंचापर्यंत असते. मात्र चांदूर रेल्वे शहरात तब्बल १० फुटांचा प्रतिकात्मक कुलुप बनविण्यात आला असून या कुलुपाची भव्य मिरवणुक २ ऑक्टोंबरला काढण्यात येणार असल्याची माहिती रेल रोको कृती समितीचे अध्यक्ष नितीन गवळी यांनी दिली. सदर कुलुप हा रेल रोको कृती समितीतर्फे स्टेशन मास्तरांना भेट देऊन थांबा मिळत नसल्यामुळे आपला रोष व्यक्त करणार आहे.
साधा कुलुप भेट देणार असून सोबत तब्बल १० फुटांचा प्रतिकात्मक कुलुप सुध्दा भेट देणार आहे. ८ दिवसांपासून चांदूर रेल्वे शहरात सदर कुलुप तयार होत असुन या प्रतिकात्मक कुलुपसह २ ऑक्टोंबर ला भव्य मिरवणुक निघणार आहे. या कुलुपची चाबी सुध्दा चक्क तीन फुटांची बनविण्यात आली आहे. त्यामुळे या कुलुपाची चांदूर रेल्वे शहरात चांगलीच चर्चा रंगत असुन सदर आंदोलनात मोठ्या संख्येने शहरवासी सहभागी होण्याची शक्यता आहे.