वसईच्या सुरुची बाग किनाऱ्याजवळ असलेल्या बेनापट्टी किनाऱ्यावर ३० फूट लांबीचा आणि १२ फूट रुंद असा व्हेल मासा मृतावस्थेत आढळून आला आहे. मंगळवारी सायंकाळी ही घटना वसई पोलिसांना समजल्यानंतर त्यांनी तात्काळ वनविभाग आणि वसई विरार महानगरपालिकेला याबाबत माहिती दिली.व्हेल मासा मृत अवस्थेत आढळल्यानंतर तीनही प्रशासनातर्फे या माशाचा पंचनामा करण्यात आला असून त्याच्या शरीरावर जखम असल्याचे दिसून आलं आहे. तसंच बुधवारी या माशाला महापालिकेच्या साहाय्याने किनाऱ्यावरच पुरण्यात येणार असल्याची माहिती वसई पोलीस निरीक्षक कल्याण करपे यांनी दिली.
वसईच्या किनाऱ्यावर एवढ्या मोठ्या आकाराचा व्हेल मासा आढळून आल्याची ही पहिलीच घटना आहे. त्यामुळे वसईतील नागरिकांनी त्याला पाहण्यासाठी मोठी गर्दी केली होती.
दरम्यान, या व्हेल माशाचा मृत्यू नेमका कशामुळे झाला, याबाबतची नेमकी माहिती अद्याप समोर आलेली नाही. तपासानंतरच या माशाच्या मृत्यूचं कारण स्पष्ट होऊ शकणार आहे. मात्र एवढ्या महाकाय माशाचा मृत्यू झाल्याने प्राणीप्रेमींकडून हळहळ व्यक्त करण्यात येत आहे.
दरम्यान, या व्हेल माशाचा मृत्यू नेमका कशामुळे झाला, याबाबतची नेमकी माहिती अद्याप समोर आलेली नाही. तपासानंतरच या माशाच्या मृत्यूचं कारण स्पष्ट होऊ शकणार आहे. मात्र एवढ्या महाकाय माशाचा मृत्यू झाल्याने प्राणीप्रेमींकडून हळहळ व्यक्त करण्यात येत आहे.