अंगात भूत शिरल्याच्या नावाखाली नालासोपाऱ्यात एका भोंदूबाबाने महिलेला क्रूरपणे मारहाण केल्याचा धक्कादायक व्हिडीओ समोर आला आहे. महिलेला मारहाण करताना रस्त्यावरून जाणाऱ्या एका जागरूक नागरिकाने हा व्हिडीओ काढून भोंदूबाबाचा पर्दाफाश केला आहे.
नालासोपाऱ्यात राहणारी पीडित महिला अंधेरी येथे एका खासगी कंपनीत कामगार म्हणून काम करते. तिची प्रकृती खराब असल्याने तिच्या कुटुंबीयांनी तिला रुग्णालयात नेण्याऐवजी येथीलच एका मंदिरात बसणाऱ्या बाबाकडे नेले. या महिलेच्या अंगात तिच्या मृत मुलाचा आत्मा शिरला आहे असे सांगून या बाबाने महिलेला मारहाण केल्याचे व्हायरल व्हिडीओवरून समोर आले आहे. नागरिकांनी याबाबत नालासोपारा पोलिसांकडे तक्रार केल्यानंतर महिला आणि या बाबाचा जबाब नोंदविण्यात आला. त्यानंतर पोलिसांना हा भोंदूबाबा नसून मंदिरातील पुजारी असल्याचे आढळून आल्याचे नालासोपारा पोलिस ठाण्याचे पोलिस निरीक्षक विलास सुपे यांनी सांगितले.