मुंब्रा परिसरातील प्राइम क्रिटिकल केअर हॉस्पिटलमध्ये काल रात्री साडेतीनच्या सुमारास आग लागली. ही घटना समजताच स्थानिक अग्निशमन दलाची टीम घटनास्थळी दाखल झाली. ज्या वेळी रुग्णालयात आग लागली होती त्यावेळी त्यावेळी एकूण 20 रुग्ण रूग्णालयात होते. अशा 20 पैकी 6 रुग्णांवर आयसीयूमध्ये उपचार सुरु होते. या सर्व रुग्णांना वेळीच रुग्णालयाबाहेर काढण्यात आले. या संपूर्ण घटनेदरम्यान गुदमरल्यामुळे 4 जणांचा मृत्यू झाला. या सर्व रुग्णांचा मृत्यू एका रुग्णालयातून दुसर्या हॉस्पिटलमध्ये शिफ्ट दरम्यान झाला आहे.सध्या आगीवर नियंत्रण मिळवण्याचे काम सुरू आहे. आज अधिकारी अद्याप कोणत्या कारणास्तव काही सांगण्यास टाळाटाळ करताना दिसत आहे. दुसरीकडे स्थानिक लोकांच्या सांगण्यावरुन मीटर बॉक्समध्ये शॉर्ट सर्किटमुळे आग लागली आहे.
मुंब्रा येथील रुग्णालयात भीषण आग लागली आणि त्यात चार रुग्णांचा मृत्यू झाला आहे. तर अनेक रुग्ण जखमी झाले आहेत. (Fire In Thane Hospital) ही आग मुंब्रा येथील कौसातील प्राईम क्रिटिकेअर हॉस्पिटलमध्ये मीटरमध्ये स्फोट होऊन लागल्याचा प्राथमिक अंदाज आहे. ठाणे महानगरपालिकेच्या माहितीनुसार बुधवारी पहाटे 3.40 वाजण्याच्या सुमारास प्राइम क्रिटिकेअर हॉस्पिटलला आग लागली. अग्निशमन दलाची दोन वाहने आणि एक बचाव वाहन घटनास्थळी दाखल झाले. आग विझविण्याचे काम सुरु आहे. दुसर्या रुग्णालयात हलवताना 4 जणांचा मृत्यू झाला आहे. बचावकार्य सुरुच आहे. अपघाताची माहिती देताना ठाणे पोलीस आणि अग्निशमन दलाच्या अधिकाऱ्यांनी सांगितले की, रुग्णालयातून 20 रुग्णांना वाचविण्यात आले आहे. मदत व बचावकार्य अद्याप सुरू आहे.