कर्जत-बदलापूर वाहतूक आज अखेर दोन दिवसांनी पूर्वपदावर आली. मात्र आधीच पावसामुळे विलंबाने धावणाऱ्या मध्य रेल्वेच्या गाड्यांना आज पहाटे तांत्रिक बिघाडाचाही फटका बसला आहे. मध्य रेल्वेवर कर्जतहून नेरळला येणाऱ्या लोकलमध्ये तांत्रिक बिघाड झाल्यामुळे मध्य रेल्वेच्या वाहतुकीवर परिणाम झाला.
दोन दिवसांनंतर आज कर्जत-बदलापूर रेल्वे सेवा पूर्वपदावर आली. मात्र आज सकाळी नेरळ स्थानकाजवळ लोकलमध्ये तांत्रिक बिघाड झाला. प्रवाशांना नेरळ स्टेशनला उतरवून दुसऱ्या लोकलने पुढे पाठवण्यात आले. पण या बिघाडामुळे मध्य रेल्वे सेवा विस्कळीत झाली. मध्य रेल्वेच्या गाड्या यामुळे १५ ते २० मिनिटे विलंबाने धावत आहेत.