निधड्या छातीने शत्रूशी निकराने लढाई करत वीरमरण पत्करलेल्या जवान शहीद कौस्तुभ राणे या सिंधुदुर्गाच्या सुपुत्राची पत्नी कनिका यांनीही सैन्यात दाखल होण्याचा निर्णय घेतला आहे. शत्रुशी लढण्याची पतीची इच्छा आपण पूर्ण करणार असल्याचे त्यांनी म्हटले आहे. कौस्तुभ यांच्या प्रथम स्मृतिदिनी कनिका यांना लष्कराकडून नियुक्तीचे पत्र देण्यात आले आहे. ऑक्टोबरमध्ये त्या सैन्यात प्रशिक्षण घेण्यासाठी रुजू होणार आहेत. वीरपत्नी कनिका यांनी अधिकारी पदाच्या परीक्षेत उत्तम यश मिळवले. त्यानंतर त्यांना हे नियुक्तीचे पत्र देण्यात आले. ७ ऑगस्ट २०१८ रोजी कौस्तुभ यांना वीरमरण आले. घुसखोरांशी लढताना ते शहीद झाले. राज्य सरकारने देऊ केलेली सरकारी नोकरी सैन्यात जाण्याच्या प्रबळ इच्छेमुळे कनिका यांनी नाकारली.