मुंबईतील क्रॉफर्ड मार्केटमध्ये सोमवारी सकाळी लागलेल्या आगीवर नियंत्रण मिळवण्यात यश आलं आहे. अग्निशमन दलाच्या जवानांनी पाच बंबांच्या साहाय्यानं बऱ्याच प्रयत्नांनंतर ही आग आटोक्यात आणली.
दक्षिण मुंबईत अब्दुल रेहमान स्ट्रीटवरील क्रॉफर्ड मार्केटमध्ये सकाळच्या सुमारास भीषण आग लागली होती. या आगीची माहिती मिळताच अग्निशमन दलाचे पाच बंब आणि कर्मचारी घटनास्थळी पोहोचले. पोलीस अधिकारी, कर्मचारी आणि रुग्णवाहिकाही घटनास्थळी दाखल झाली. त्यानंतर आग आटोक्यात आणण्याचे प्रयत्न सुरू झाले. तासाभराच्या प्रयत्नांनंतर ही आग आटोक्यात आली. आगीत कोणीही जखमी झाल्याचे वृत्त नाही.