भाजी मंडईत लसणाचा दर दुप्पट झाला असून प्रतिकिलो १०० रुपये दराने विक्री सुरू आहे. कोबी, फ्लॉवरसह पालेभाज्यांचे दरही वाढले आहेत. काकडी, भेंडीचे दर स्थिर आहेत.
गेल्या आठवड्यात लसणाचा दर प्रतिकिलो ३० ते ४० रुपये होता.आठवड्याच्या कालावधीत हा दर १०० रुपयांवर पोचला आहे. त्यामुळे लसूण खरेदीकडे ग्राहकांनी पाठ फिरवली. शिल्लक लसूण वापरण्यावर भर दिला जात आहे. उन्हाळ्यात चटणी तयार करण्याकडे गृहिणींचा कल असतो. चटणी तयार करण्यासाठी लसूण वापरला जातो. त्यामुळे गरवाढीचा ग्राहकांच्या खिशाला फटका बसत आहे. एकीकडे कांदा मुबलक आणि स्वस्त असताना लसून महाग कसा काय झाला? याचे आश्चर्य व्यक्त केले जात आहे.
वांगी स्वस्त झाली असून प्रतिकिलो २० ते ३० रुपयांनी विक्री केली जात आहे. भेंडी व काकडी स्वस्त झाली असून प्रतिकिलो २० ते ३० रुपये दर आहे. त्यामुळे ग्राहकांकडून खरेदीला चांगला प्रतिसाद मिळत आहे. कोबीच्या दरात वाढ झाली आहे. लहान गड्डा १० रुपयांना तर मोठा गड्डा १५ ते २० रुपयांना विकला जात आहे. फ्लॉवरचा दरही वाढला असून प्रतिगड्डा २० ते ३० रुपये दराने विक्री होत आहे.
पालेभाज्यांचे दर वाढलेले आहेत. मेथीचा पेंढीचा दर १५ रुपये तर कोथंबिर पेंढीचा दर २० रुपये इतका आहे. पालक, पोकळा, कांदा पात प्रति पेंढी दर १० रुपयांवर स्थिर आहे. दहा रुपयाला दोन ते तीन कैरीची विक्री होत आहे. उन्हामुळे सरबतासाठी लिंबू खरेदी सुरू आहे. लिंबू दहा रुपयाला चार ते पाच रुपये असा दर आहे.
फळभाज्यांचे दर (प्रतिकिलो, रुपयांत)
वांगी २० ते ३०
टोमॅटो २०
भेंडी २० ते ३०
ढबू मिरची ४० ते ५०
गवार ६० ते ८०
दोडका ४०
कारली ६०
वरणा ८०
ओली मिरची ४०
बटाटा २५ ते ३०
लसूण १००
फ्लॉवर २० ते ४० (नग)
कोबी १० ते ३० (नग)
पालेभाजी दर (पेंढी, रुपयांत)
मेथी १५
शेपू १०
करडई १०
कांदा पात १०
फळांचे दर (प्रतिकिलो, रुपयांत)
सफरंचद १५० ते १८०
डाळिंब २० ते ६०
केळी २० ते ६० (डझन)
जवारी केळी २० ते ५० (डझन)