तिहार जेलमध्ये पोलीस कोठडी सुनावण्यात आलेल्या काही कैद्यांच्या खोल्यांमध्ये विदेशी परफ्युम्स, एसी, महागडे बूट आणि २०००रूपयांचा विदेशी ब्रॅण्डच्या पाण्याच्या बाटल्या सापडल्या आहेत. जेल क्रमांक १मधून सापडलं असून या जेलमध्ये काही नामवंत बिल्डरही शिक्षा भोगत आहेत.
तिहार जेलमध्ये ट्रकमध्ये भरून रोज भरपूर सामान येतं. या सामानाची रोज नीट तपासणी होत नाही. त्यामुळे या सर्व महागड्या गोष्टी जेलमध्ये सहज पोहचवल्या गेल्या असं बोललं जातंय. हे सगळं सामान काही दिवसांपूर्वी पोलीस कैद्यांच्या खोलीत तपास करण्यासाठी गेले होते. या कैद्यांच्या खोलीत परफ्यूम,बूट ई, सामान मिळाल्यावर खोलीतील कपाटांच्या चाव्या पोलिसांनी या कैद्यांना मागितल्या. कैद्यांनी चाव्या हरवल्याचं सांगितलं. त्यामुळे कैद्यांनी कपाटांमध्ये अजून किती सामान भरून ठेवलंय हे मात्र स्पष्ट झालेलं नाही. इतकंच नाही तर काही दिवसांपूर्वी कैद्यांनी जेलमध्ये चिकन मटनची पार्टीसुद्धा केली होती.
देशातलं सगळ्यात सुरक्षित म्हटल्या जाणाऱ्या या जेलमध्ये कैद्यांना ऐशोआरामाची इतकी साधनं मिळतात कुठून याचा तपास सध्या पोलीस करत असून जेलची सुरक्षा व्यवस्था अधिक कडक केली जाईल अशी माहिती अॅडिशनल आयजी राजकुमार यांनी दिली आहे.