मुंबई पोलिसांनी महिला सशक्तीकरणाला प्रोत्साहन दिलेय. याचाच एक भाग म्हणून मुंबईतील काही अतिसंवेदनशील पोलीस ठाण्यांसह आठ पोलीस ठाण्यांची जबाबदारी महिला अधिकाऱ्यांना देण्यात आलेय. त्यामुळे पोलीस दलात महिला राज दिसून येत आहे.
महिला अधिकार्यांचा सन्मान
मुंबई पोलीस दलात काम करत असलेल्या महिला अधिकार्यांना हा सन्मान देऊन महिला सशक्तीकरणाला प्रोत्साहन देण्याचे काम मुंबई पोलीस आयुक्त दत्ता पडसळगीकर यांनी केलेय. त्यांच्या या निर्णयाचे सर्वच स्तरातून कौतुक होत आहे. आठ महिलांची नियुक्ती करण्यात आल्याची माहिती मुंबई पोलिसांनी ट्विटरवरून दिली आहे.
पोलीस ठाण्यांची जबाबदारी महिलांकडे
दहशतवाद्यांच्या हिट लिस्टवर कायम मुंबई असेत. मुंबईतील काही अतिसंवेदनशील पोलीस ठाण्यांसह आठ पोलीस ठाण्यांची जबाबदारी महिला अधिकार्यांच्या खांद्यावर देण्यात आली आहे. यात वांद्रे-कुर्ला संकुलातील पोलीस ठाण्याच्या वरीष्ठ निरीक्षक म्हणून कल्पना गडेकर या कर्तव्य बजावत असून रोहिणी काळे यांच्याकडे पंतनगर पोलीस ठाणे आणि विद्यालक्ष्मी हिरेमठ यांच्याकडे आरे पोलीस ठाण्याची जबाबदारी देण्यात आली आहे.