बऱ्याच काळापासून मोठ्या पडद्यापासून दूर असलेली अभिनेत्री राणी मुखर्जी हिनं ‘हिचकी’ चित्रपटातून दणक्यात पुनरागमन केलं आहे. कथेचा वेगळा बाज आणि राणीच्या अभिनयामुळं चित्रपटाला प्रेक्षकही भरभरून दाद देत आहेत. ‘हिचकी’नं केवळ दोन दिवसांत सुमारे साडेआठ कोटींचा गल्ला जमवलाय.
BoxofficeIndia.comच्या रिपोर्टनुसार, चित्रपटानं पहिल्या दिवशी ३.२५ कोटींची कमाई केली. दुसऱ्या दिवशी यात ६० टक्क्यांनी वाढ दिसून आली. त्यामुळं ‘हिचकी’च्या खात्यात आता साडेआठ कोटी रुपये जमा झालेत. चित्रपटाला मिळणारा प्रेक्षकांचा प्रतिसाद पाहून हा आकडा वाढण्याची शक्यता वर्तवली जात आहे.
सिद्धार्थ मल्होत्रा दिग्दर्शित ‘हिचकी’मध्ये राणी ‘टॉरेंट सिंड्रोम’ या आजाराने ग्रस्त अशा एका शिक्षिकेची भूमिका साकारत आहे.