भारतीय नौदलाच्या आयएनएस राणा या विनाशिकेवर गुरुवारी सकाळी एका खलाशाचा मृतदेह आढळल्याने खळबळ उडाली. त्याच्या शरीरावर बंदुकीच्या गोळ्या लागल्याच्या खुणा आहेत. प्रवक्त्याने दिलेल्या माहितीनुसार, विकास यादव याने स्वत: गोळ्या झाडून आत्महत्या केली की त्याच्या बंदुकीतून अपघाताने गोळी झाडली गेली, हे मात्र स्पष्ट झालेले नाही. या प्रकरणाची चौकशी सुरू करण्यात आली आहे.